„Rétt að gera okkur grein fyrir því sem gæti orðið framundan“
https://www.mbl.is/frettir/innlent/2022/02/25/rett_ad_gera_okkur_grein_fyrir_thvi_sem_gaeti_ordid/
Ríkisstjórnin fundaði í ráðherrabústaðnum í Tjarnargötu í morgun og var þar meðal annars farið yfir stöðuna í Úkraínu og möguleg áhrif hér á landi af stríðsátökum þar. Bjarni Benediktsson fjármálaráðherra segir í samtali við mbl.is að þó að talsverður munur sé á utanríkisviðskiptum Íslands og Rússlands núna og fyrir hernám Krímskaga árið 2014 þá séu enn talsverð viðskipti við Rússland, Hvíta-Rússland sem og við Úkraínu.
